ست الجمال
والله يا ست الجمال أنا مانى باكى على ضياع آمالى فيك ولا حتى نادب حظى ساعة جابنى ليك
ما خلاص قنع قلبى القبيل ميال عليك يقنتو يا ست الجمال علمتو ما يشتاق يشيل الشوق يجيك
مع إنى يا ست الجمال عارف جمالك جمال طاغى ورهيب
وعارفك مشاويرك طوال لو مانى عاشق كان مشيها على صعيب
ما شفتى قلبى وحالو كيف من وقدة الشوق اللهيب
صبراً يطول يبقى ذل والنوح كمان يبين لى عيب
وأنا قلبى سا ست الجمال طيراً سماهو أفق رحيب
رحال وما أتعود شمس تشرق عليهو محل تغيب
وين قولك القلتيهو لى إنو الزواج قسمة ونصيب
داير الرجوع وما بيأمنك قلبى الجروحو بدت تطيب
أنسيهو يا ست الجمال الماضى فات والجاى كيف؟
لومينى آآآآآآآآ هـ ,,,,,, لومينى آآآآآآآآآآهـ هـ هـ
لومينى ما إنتى الغدرتى وقلبك إختار زول سواى
وخطواتك إختارن درب عكس المشنو قبيل معاى
دنياك منها شن لقيت ؟ يا ما سقيت ريدك دماى
والذكرى منها بعتبر لو روحى حنت للوراى
بعد الحصل والله يا ست الجمال ما شوقى ليك حاضن الصبر نيران هواك أيام طوال
دربك مشيتو بلا أمل ولقيتو فى الآخر محال وحملت آلام فرقتك الفوق حدود الإحتمال
صديت لسان الحال يقول يا غافل الأحلام ضلال .... يا غافل الأحلام ضلال
وإحترت فيك كيف كُنا يا ست الجمال ماشين وقلبك شاغلو غير
لو جيتك ألقاكى السراب وتجينى تلقينى القدير
غلطان أنا .... غلطان أنا ..............؟
غلطان أنا السكنتك أعماقى البعيدة وهبتك الحب الكبير
غدارة يا ست الجمال ؟؟؟؟؟؟؟؟؟؟؟ ومغرورة يا ست الجمال ؟؟؟؟؟
مغـــرورة عــــــزة نفسى أعظم من جمالك بى كتير ؟؟؟؟؟؟
أبو القاسم : البرنس : أهدى هذه الكلمات لكل شباب وادى النيل .
