الغربة ما بعد المسافة ولا السفر آخر مطافة الغربة فى الطين البعاند وفى السحاب الطشة جافة ...الغربة فى الموية البتجرى وتطرد الناس من ضفافة تدفر الخير المسافر والنفوس راضية بى كفافة الغربة فى البت البتنزل دمعة فى ليلة زفافة فى ولد حيران بيسأل عن وطن راقى ومعافى ... الغربة فى ذلة عزيزاً رغم عزتو مدّ إيدو بسأل الناس عن بلادو ياحليل بلدو البريدو يا حليل الدنيا كانت جنة للناس البريدو أصبحت رقصة سلالم للتحت للفوق نشابى ...الغربة فى جوانا نحن فى العيون شلناها دمعة فى النفوس عشناها نحن ذى سفر ما بعدو رجعة يا الأمل لسة بنقاوم فى القلوب شلناك دمعة لمتين نفضل نهاتى بس لى متين نحن بنهاتى لا الزمن راجع مطافة .........
هذه أغنية للمبدع /نادر خضر وأهديها للدفعة التى تخرجت بمعرض الخرطوم الدولى
وللأخ/الطيب العجب
